د اړوندو ادارو اوG42 چارواکو ترمینځ د بریښنایي حکومتولی پیاوړتیا لپاره غونډه جوړه شوه
![تقویت حکومتداری الکترونیکی](/sites/default/files/2021-01/whatsapp_image_2021-01-11_at_11.09.41_am.jpeg)
دغه ناسته د یکشنبې په ورځ د مخابراتو او معلوماتي ټکنالوجۍ وزیرې آغلي معصومه خاوري ، د چارو عمومي ریاست د پانګونې اسانتیا واحد رئیس ښاغلي عطاالله نصیب، په ابوظبي کې د افغانستان سفیر ښاغلي جاوید احمد، د اټرا ادارې رئیس ښاغلي محمد عمر انصاري، د معلوماتو او ملي احصائیې د ریاست مرستیال ښاغلي بهادر هلالي، او د G42 شرکت چارواکو په ګدون د برښنایي حکومتولي پیاوړتیا په موخه د ولسمشرۍ ماڼۍ کې جوړه شوې وه.
لومړی ، د جمهوري ریاست د چارو عمومي ادارې سلاکار ښاغلي صمیم عارف ګډونوالو ته ښه راغلاست وویل او د G42 شرکت په اړه یي معلومات وړاندې کړل نوموړي وویل چې دغه غونډه د برښنايي حکومتولی په اړه د ولسمشر د لارښوونو سره سم جوړه شوې ده.
بیا د مخابراتو او معلوماتي ټکنالوجۍ وزیرې اغلې معصومه خاوري د برښنایي حکومتدارۍ مؤثریت او پروسو ساده کولو په اړه خبرې وکړې ، نوموړې د پرمختللو هیوادونو د تجربو، په ملي او سیمه ایزه کچه د الکترونیکي زیربناوو څخه د ګټې اخیستنې لپاره غوښتنه وکړه
د پانګونې اسانتیا واحد رئیس د سیستمونو ادغام، شبکې جوړولو او د برښنايي حکومتوالی په اړه د ویډیو کنفرانس له لارې ګډونوالو سره هراړخیز معلومات شریک کړل، او ټیګار یې وکړ چې لومړني او ابتدایي سیسټمونه باید په مډرن سیستمونو بدل کړای شي.
ورپسې په ابو ظبۍ کې د افغانستان سفیر هم د ویډیو کنفرانس له لارې، د اترا ادارې رییس او د احصایې د ملي ادارې مرستیال هر یو په خپل وار سره د موضوع او اړوندو څانګو د رول په اړه خبرې وکړې.
د غونډې په پای کې، د مخابراتو او معلوماتي ټکنالوجۍ وزارت تخنیکي همکارانو د موضوع په اړه خپل پلانونه او نظریات وړاندې وړاندې کړل.