د افغان ټېلېکام مخابراتي شرکت د کار روزنې(internship) پروګرام څخه د ۴۲ تنو فراغت

Alireza Khaliqyar
چهارشنبه ۱۳۹۷/۸/۲۳ - ۸:۵۰

https://mcit.gov.af/ps/%D8%AF-%D8%A7%D9%81%D8%BA%D8%A7%D9%86-%D9%BC%DB%90%D9%84%DB%90%DA%A9%D8%A7%D9%85-%D9%85%D8%AE%D8%A7%D8%A8%D8%B1%D8%A7%D8%AA%D9%8A-%D8%B4%D8%B1%DA%A9%D8%AA-%D8%AF-%DA%A9%D8%A7%D8%B1-%D8%B1%D9%88%D8%B2%D9%86%DB%90internship-%D9%BE%D8%B1%D9%88%DA%AB%D8%B1%D8%A7%D9%85-%DA%85%D8%AE%D9%87-%D8%AF-%DB%B4%DB%B2-%D8%AA%D9%86%D9%88-%D9%81%D8%B1%D8%A7%D8%BA%D8%AA

د مخابراتو او معلوماتي ټکنالوجۍ وزیر محترم شهزاد آريوبي نن په یوځانګړي محفل کې د افغان ټېلېکام مخابراتي شرکت له خوا د مخابراتو او معلوماتي ټکنالوجۍ د رشتو څخه ۴۲ تنه فارغو شويو ښځينه او نارینه ځوانانو د کار روزنې (internship) د پای په مراسمو کې برخه واخیسته.
ياد محصلين، د کار روزنې (internship) په دوه مياشتينۍ روزنيزه دوره کې د مخابراتو، GSM، نوري فايبر او کمپيوټر په برخه کې روزل شوي وو، چې د افغان ټېلېکام شرکت د مسؤولينو له خوا يې د فراغت تصديق پاڼو تر لاسه کولو تر څنګ غوره محصلينو ته په راتلونکي کې د کاري زمينې د برابرولو ژمنې هم وکړې. 
يقينا ټکنالوجي د ننۍ دنيا د پرمختګ او تحول اساس بلل کېږي. 
محترم اريوبي وویل چې له افغان ځوانانو يې هیله داده چې د انسانانو په ژوند کې د معلوماتي ټکنالوجۍ ارزښت ته په کتو سره، خپلو لوړو زده کړو، په ځانګړې توګه د ټکنالوجۍ په برخه کې زده کړو ته دوام ورکړي، د پرمختللو هېوادونو له تجربو ګټه واخلي او د ګران هېواد افغانستان د ترقۍ او پرمختګ په برخه کې خپل مسؤوليت تر سره کړي.