د افغانستان په لرې پرتو سيمو کې د معاشونو د تر لاسه کولو اندېښنه مه کوئ

Alireza Khaliqyar
یکشنبه ۱۳۹۷/۹/۴ - ۱۰:۸

https://mcit.gov.af/ps/%D8%AF-%D8%A7%D9%81%D8%BA%D8%A7%D9%86%D8%B3%D8%AA%D8%A7%D9%86-%D9%BE%D9%87-%D9%84%D8%B1%DB%90-%D9%BE%D8%B1%D8%AA%D9%88-%D8%B3%D9%8A%D9%85%D9%88-%DA%A9%DB%90-%D8%AF-%D9%85%D8%B9%D8%A7%D8%B4%D9%88%D9%86%D9%88-%D8%AF-%D8%AA%D8%B1-%D9%84%D8%A7%D8%B3%D9%87-%DA%A9%D9%88%D9%84%D9%88-%D8%A7%D9%86%D8%AF%DB%90%DA%9A%D9%86%D9%87-%D9%85%D9%87-%DA%A9%D9%88%D8%A6

تر دې وروسته د هېواد په هر ګوټ کې کولای شئ، خپل معاشونه د مبایل له لارې د معاشاتو د ورکړې پروژې څخه په آسانه او کم وخت کې تر لاسه کړئ.

د مخابراتو او معلوماتي ټکنالوجۍ وزارت د مبایل له لارې د معاشاتو ورکړې منځمهاله پروژې له دوه کلونو راهيسې په کار پیل کړی.

د اوس لپاره د کار او ټولینز چارو وزارت له ۵۰۰۰ څخه زیات کارکونکي اوهمدارنګه په کندهار، ننګرهار او پروان ولایتونو کې د پوهنې وزارت ۲۴۳۵۴ کارکونکي خپل معاشونو د مبایل له لارې تر لاسه کوي او د پوهنې وزارت ۱۱۶۰۰۰ کارکوونکو د نوم ليکنې پروسه جريان لري.

د مبایل له لارې د معاشاتو د ورکړې پروژه به تر ۲۰۲۰ میلادي کال پورې د هېواد ټولې دولتي ادارې او وزارتونه تر خپل پوښښ لاندې راولي، چې دې روڼوالي او سانتیا په رامنځ ته کولو کې به جوت رول ولوبوي.