د افغانستان اسلامي امارت د ریاست الوزراء عالي مقام اداري مرستیال محترم مولوي عبدالسلام حنفي د یوه ګډ پلاوي په ملتیا د مخابراتو او معلوماتي ټکنالوجۍ وزارت څخه لیدنه وکړه

د افغانستان اسلامي امارت د ریاست الوزراء اداري مرستیال ښاغلي مولوي عبدالسلام حنفي او د ښار جوړونې وزارت محترم سرپرست وزیر مولوي حمدالله نعاني د مخابراتو او معلوماتي ټکنالوجۍ وزارت څخه لیدنه وکړه.

دغې لیدنه کې د مخابراتو او معلوماتي ټکنالوجۍ وزارت وزیر محترم الحاج مولوي نجیب الله حقاني د مخابراتي سکټور د ټولو برخو مفصل معلومات وړاندې کړل او همدارنګه د مخابراتو او معلوماتي ټکنالوجۍ وزارت کې د افغانستان د فریکونسیو د څار او نظارت مرکز له لوري راغلي پلاوي ته د فریکونسیو د څار او نظارت په تړاو بشپړ معلومات وړاندې کړل او د دوی پوښتنو ته یې ځوابونه ورکړل.

دغې ناسته کې د افغانستان اسلامي امارت د ریاست الوزراء عالي مقام اداري مرستیال د ریل ټایم له سیسټم څخه هم لیدنه وکړه او اړوندو برخو لخوا ورته پوره معلومات وړاندې شول.

پای کې  د افغانستان اسلامي امارت د ریاست الوزراء د عالي مقام اداري مرستیال د مخابراتو او معلوماتي ټکنالوجۍ وزارت کړنې وستایلې او زیاته یې کړه چې یاد وزارت توانېدلی کمه موده کې ډېر پرمختګ وکړي او هېوادوالو ته د مخابراتو او ټکنالوجۍ په برخو کې آسانتیاوې برابرې کړي