بريښنايي لاسلیک او د راکړې ورکړې (معاملاتو قانون) د رسمي جریدې له لارې خپور شو
دغه قانون چې (۶) فصلونه او (۳۲) مادې لري، د ولسمشرۍ ماڼۍ له خوا په (۸.۶.۱۳۹۹) نېټه د (۷۵) شمېرې تقنیني فرمان پر اساس توشیح او پلې کېدونکی شو، تازه د رسمي جریدې له لارې خپور شو.
برېښنايي لاسلیک او د راکړې ورکړې قانون، ډیجیټلي بدلون ته د لار پرانیستو په برخه کې د قوانینو مور حیثیت لري او له تصویب وروسته به یې افغانستان په رسمي ډول د نړۍ له برېښنايي کاروان سره یو ځای شي.
د دغه قانونه له پلې کېدو سره به، افغانستان د ډیجیټلي اقتصاد او حکومتولۍ ودې او په بنسټیز ډول معلوماتي ټولنې ته د لار پرانیستو په برخه کې اغېزمن ګام اوچت کړي.
برېښنايي لاسلیک او د راکړې ورکړې قانون، د ملګرو ملتونو د اصولو او برېښنایي لاسلیک بېلګې قانون، د سوداګرۍ بېلګې قانون، او په نړیوالو تړونونو کې د برېښنايي راکړې ورکړې په اړه د ملګرو ملتونو کنوانسیون پر اساس چمتو شوی دی.
تر دم ګړۍ پورې د نړۍ شاوخوا ۱۰۰ هېوادونه، د برېښنايي راکړې ورکړې په برخه کې له برېښنايي لاسلیک او د راکړې ورکړې له قانون څخه کار اخلي.
