بامیان ولایت د مخابراتو او معلوماتي ټکنالوجۍ ریاست، مخابراتي او انټرنیټي شرکتونو مسئولینو تر منځ د همغږۍ غونډه وشوه
د بامیان ولایت د مخابراتو او معلوماتي ټکنالوجۍ رئیس د افغان بیسیم، افغان ټیلی کام او ای سی جي مخابراتي او انټرنیټي شرکتونو مسئولینو ترمنځ د همغږۍ غونډه ترسره شوه.
په یاده غونډه کې له بامیان -سرپل، بامیان-غور-هرات او بامیان- دایکندی ولایتونو پورې د نوري فایبر د غزولو پروژې په عملي چارو د ګډې زیربنا جوړول او د شته مخابراتي او انټرنیټي ستونزو د له منځه وړلو په اړه خبرې وشوې.
د یادولو وړده چی د دغې غونډې په پای کې د بامیان ولایت د مخابراتو او معلوماتي ټکنالوجۍ رئیس له لوري یاد شرکتونوته لارښونه وشوه چې د دې ملي پروژې ټولو حیاتي برخو ته په پام سره او د مخابراتو او معلوماتي ټکنالوجۍ وزارت د ټاکل شوې کړنلارې او نقشې مطابق د نوموړې پروژې عملي چارې پیل کړي او په معیاري ډول سره یې سرته ورسوي.
