د مخابراتو او معلوماتي ټکنالوجۍ سکټور کې د (آسان وظیفې) په نوم د کارموندنې پورټال پرانېسته وشوه

Alireza Khaliqyar
چهارشنبه ۱۳۹۷/۱۲/۱۵ - ۱۵:۴۵

https://mcit.gov.af/index.php/ps/%D8%AF-%D9%85%D8%AE%D8%A7%D8%A8%D8%B1%D8%A7%D8%AA%D9%88-%D8%A7%D9%88-%D9%85%D8%B9%D9%84%D9%88%D9%85%D8%A7%D8%AA%D9%8A-%D9%BC%DA%A9%D9%86%D8%A7%D9%84%D9%88%D8%AC%DB%8D-%D8%B3%DA%A9%D9%BC%D9%88%D8%B1-%DA%A9%DB%90-%D8%AF-%D8%A2%D8%B3%D8%A7%D9%86-%D9%88%D8%B8%DB%8C%D9%81%DB%90-%D9%BE%D9%87-%D9%86%D9%88%D9%85-%D8%AF-%DA%A9%D8%A7%D8%B1%D9%85%D9%88%D9%86%D8%AF%D9%86%DB%90-%D9%BE%D9%88%D8%B1%D9%BC%D8%A7%D9%84-%D9%BE%D8%B1%D8%A7%D9%86%DB%90%D8%B3%D8%AA%D9%87-%D9%88%D8%B4%D9%88%D9%87

نن مو د آسان خدمت ادارې د مسؤولينو ، د مخابراتو او معلوماتي ټکنالوجۍ وزارت مشرتابه او کارکوونکو په حضور کې د افغانستان په کچه د مخابراتو او معلوماتي ټکنالوجۍ سکټور کې د آسان وظیفې په نوم د کارموندنې لومړی پورټال پرانېست.

ددغه پورټل د جوړېدو موخه د کاري فرصتونو، د ظرفيت لوړونې د برنامو بهتر تنظیم او د مخابراتو او معلوماتي ټکنالوجۍ سکټور کې د متخصصو بشري سرچينو څخه اغېزمنه ګټه اخیستنه ده.

دا پورټل په حقیقت کې ستاسو، تعلیمي او اکاډميکو بنسټونو او د کار بازار تر منځ د وصل د نقطې په توګه حسابېږي، د تعليمي او تحصيلي بنسټونو لپاره زمینه سازي کوي چې د خپلو تازه فارغ شويو محصلينو شهرت په کې راجستر کړي او هغه ادارو سره چې د مخابراتو او معلوماتي ټکنالوجۍ سکټور کې بشري سرچينو ته اړتيا لري، د وړ او په کار پوه اشخاصو د پېژندنې او استخدام په برخه کې همکاري کوي چې د وخت او سرچينو د مصرف مخه هم نيسي.

د يادولو وړ ده چې د مخابراتو او معلوماتي ټکنالوجۍ وزارت د کاري فرصتونو او ظرفيت لوړونې د پروګرامونو پروګرامونه به له دې وروسته د آسان وظیفې پورټل له لارې اعلانېږي او په دې برخه کې د خصوصي سکټور څخه هم هیله کوو چې د اړوندو برخو کاري فرصتونه او د ظرفيت لوړونې پروګرامونو په اړه خپل پروګرامونه له دې لارې اعلان کړي.