د مخابراتو او معلوماتي تکنالوجۍ وزارت له لوري پکتیا ولایت ته یوه پلاوی سفر وکړ او د یاد ولایت له مخابراتو او معلوماتي تکنالوجۍ ریاست څخه لیدنه وکړه
د مخابراتو او معلوماتي ټکنالوجۍ وزارت یوه پلاوی چې د وزارت د داخلي پلټنې رئیس ښاغلي مولوي محمد طارق فاروقي په مشرۍ پکتیا ولایت ته سفرو کړ هلته یې د مخابراتو او معلوماتي ټکنالوجۍ ریاست له روزنیز مرکز او د یاد ریاست له چارو لیدنه وکړه.
دغې لیدنه کې چې د وزارت د داخلي پلټنې رئیس ښاغلي محمد طارق فاروقي په مشرۍ ترسره شوې، د مخابراتو او معلوماتي ټکنالوجۍ وزارت د معلوماتي ټکنالوجۍ د څیړنی او پراختیا عمومي رئیس ښاغلي الطاف احمد علمیار او د معلوماتي ټکنالوجۍ د بازار د اړتیاو د ارزونې کارپوه هم شتون درلود لیدنه وکړه.
له کابل څخه پکتیا ته تللي پلاوی د ذکر شوي ولایت د کمپیوټر له ښوونیز مرکز، زده کوونکو لپاره د جوړو شویو ټولګیو، ښوونکو او په ټوله کې د یاد ولایت له مخابراتي او ټکنالوجیکي وضعیت څخه له نیږدې څیړنه ترسره کړ او د مخابراتو او ټکنالوجیکي ودې په موخه یې د دوی هڅې وستایلې
د پکتیا ولایت د مخابراتو او معلوماتي ټکنالوجۍ ریاست رئیس ښاغلي مولوي نصیرالله هجرت د مخابراتو او معلوماتي ټکنالوجۍ وزارت له رهبري مننه وکړه چې پکتیا ولایت کې د وزارت د مقام په هڅو د پخوا په پرتله پرمختګونه ډېر شوي، مخابراتي خدمات تر ډېرو لرو پرتوسیمو ته رسېدلي او همدا راز د کمپیوټر ښوونیز مرکز لپاره هم ځانګړې توجه شوې چې له مخې یې اوس یاد ښوونیز مرکز کې ګڼ شمېر زده کوونکي د مجربو ښوونکو له لوري د ټکنالوجۍ او کمپیوټر په برخه کې زده کړې کوي ترڅو په راتلونکي وخت کې ټولنې ته د خدمت جوګه شي.
