د مخابراتو او معلوماتي ټکنالوجۍ وزارت او د زندانونو چارو سمون ادارې تر منځ د بایمټریک حاضرۍ د تطبیق هوکړه لیک لاسلیک کړ
د مخابراتو او معلوماتي ټکنالوجي وزارت ډیجیټل حکومتولۍ ریاست او د زندانونو چارو د سمون ادارې تر منځ د یادې ادارې لپاره د بایمټریک حاضرۍ د تطبیق هوکړه لیک لاسلیک کړ چې له مخې به یې د یادې ادارې د حاضرۍ سیسټم بایمټریک ته واوړي.
دغې ناسته کې د زندانونو چارو د سمون ادارې سرپرست ښاغلي مولوي صاحب محمد یوسف مستري د مخابراتو او معلوماتي ټکنالوجۍ وزارت له مشرتابه مننه وکړه چې د هېواد په کچه د سیسټمونو د جوړولو په برخه کې سهولتونه ایجادوي او د چارو د آسانتیاو لپاره وخت په وخت سیسټمونه ګټې اخیستنې ته سپاري.
د مخابرات او معلوماتي ټکنالوجۍ وزارت د هېواد په کچه د سیسټمونو د جوړولو او په هېواد کې د ډیجیټل حکومتولۍ د تطبیق مسؤلیت لري او په همدې موخه د هېواد په کچه ټولو امارتي وزارتونو، ادارو او شرکتونو ته سیسټمونه جوړوي.
