د مخابراتو او معلوماتي ټکنالوجۍ وزیر د اروپایي اتحادیې له سفیر سره وکتل
د روان 1397 کال د حمل د میاشتې په 22 مه نیټه د مخابراتو او معلوماتي ټکنالوجۍ وزیر ښاغلي شهزاد آریوبی په کابل کې د اروپایي اتحاديې له سفیر ښاغلي پیري مایودان سره ولیدل.
په لیدنه کې د هېواد د مخابراتو او معلوماتي ټکنالوجۍ سکټور لپاره د اروپایې اتحادیې د مرستې ترلاسه کولو، په ځانګړې توګه د ډیجیټل سیمه ایز اتصال او واخان دهلیز له لارې د نوري فایبر په وسیله افغانستان د چین او له همدې لارې د نورو هېوادونو سره د وصلیدو په پروژه کې د همکارۍ، سټلایټ، بریښنایي حکومتولۍ او الکترونیکي خدمتونو په اړه خبرې وکړي او ښاغلی سفیر د اروپایي اتحادیې په استازیتوب په یادو برخو کې د همکارۍ ژمنه وکړه.
