پکتیکا ولایت کې د سلام مخابراتی شرکت د دوو سایټونو له ودانیزو چارو څخه څارنه ترسره شوه
د پکتیکا ولایت د مخابراتو او معلوماتی ټکنالوجۍ ریاست، د مخابراتو او معلوماتی ټکنالوجۍ وزارت اټرا ادارې ولایتی آمریت او افغان ټلیکام مخابراتي شرکت له لوري د نوموړي ولایت اوړممۍ ولسوالۍ کې د سلام مخابراتي شرکت د دوو سایټونو د ودانیزو چارو له بهیر څخه چې د ټي ډي اف لسمې پروژې په مرسته جوړیږي څارنه ترسره شوه.
د یادو سایټونو چارې د قرار داد له شرایطو سره سمې روانې دي او د بشپړیدو وروسته به یې تخنیکي چارې پیل او ګټې اخیستنې ته وسپارل شي.
همداراز د یادونې وړ ده چې د یادې ولسوالۍ اوسیدونکو د مخابراتو او معلوماتي ټکنالوجې وزارت له پاملرنې څخه یې قدرداني څرګنده کړه او د یاد ولایت د مخابراتو ریاست له هڅو څخه یې مننه وکړه.
