هلمند ولایت په مرکز لښکرګاه ښار کې د مبایل کریډیټ کارټ د خرڅلاو له بهیر څخه څارنه ترسره شوه

هلمند ولایت کې ۱۴ تنه د مخابراتي شرکتونو اړوند کرېډېټ پلورونکي چې په لوړه به یې کرېډېټ کارټونه پلورل او د مخابراتو او معلوماتي ټکنالوجۍ وزارت له قوانینو یې سرغړونه کوله غرفې یې مهرلاک او د قانون منګولو ته ؤسپارل شؤل.

‏د مخابراتو وزارت د ولایتي ریاست له لوري د یاد ولایت بېلابیلو برخو کې په لوړه بیه د کرېډېټ کارټونو د پلور له شکایت وروسته څار ترسره شو، چې په نتیجه کې یې ۱۴ تنه کرډېټ پلورونکي چې په الکټرونیکي او فزیکي ډول یې خدمات ترسره کؤل او د مخابراتو او معلوماتي ټکنالوجۍ وزارت له قوانینو یې سرغړونه کړې ؤه په مستند ډول د څارنې په نتیجه کې د قانوني سرغړونې په موخه یې خدماتي برخې مهرلاک او د قانون منګولو ته ؤسپارل شؤل.

‏د مخابراتو او معلوماتي ټکنالوجۍ وزارت هېواد کې هیڅ چاته په غیر قانوني ډول د چوپړ د وړاندې کؤلو اجازه نه ؤرکؤي او وخت په وخت د هېواد ټولو برخو کې د نظارتي ټیمونو په واسطه له خدماتي برخو څار ترسره کېږي چې د غیر قانوني مواردو د لیدو په صورت کې د یادې برخې سره قانوني چلند صورت مومي.