نورستان ولایت واما ولسوالۍ کې د سلام شبکی نوی مخابراتي سایټ د جوړولو چارې پیل شوې

د مخابراتو او معلوماتي ټکنالوجۍ وزارت په لارښوونه نورستان ولایت د واما ولسوالۍ اړوند واما قدیم سیمه کې د یاد ولایت د مخابراتو او معلوماتي تکنالوجۍ ریاست، اترا ادارې آمریت او د افغان ټیلی کام مخابراتي شرکت مسؤلینو د ګډو هڅو په ترڅ کې د ټي ډي اف لسمې پروژې په مرسته د سلام شبکې د یوه نوي سایټ چې په 3G وسایلو به سمبال وې، دجوړولو چارې پیل شوې.

د دغه سایټ په فعالیدو سره به د یادې ولسوالۍ اړوند واما قدیم، اسلام آباد، اثرآباد، سرپُل کلی کې او د نورستان او کونړ ولایتونو ترمنځ غزیدلې لاره تر مخابراتي او انټرنټي پوښښ لاندې راوستل شي او د نوموړو سیمو مخابراتي ستونزې به ورباندې حل شي.

دیادونې وړده چې د یادې ولسوالۍ اوسیدونکو د مخابراتو او معلوماتي تکنالوجۍ وزارت یاده کړنه وستایله او خوښي یې څرګنده کړله.