لوګر ولایت د مخابراتو او معلوماتي ټکنالوجۍ ریاست او سیمه ایزو اف ام راډیوګانو مسئولینو ترمنځ د همغږۍ غونډه ترسره شوه

 لوګر ولایت د مخابراتو او معلوماتي ټکنالوجۍ ریاست او سیمه ایزو اف ام  راډیوګانو مسئولینو ترمنځ د راډیویې فریکونسیو د اخلال د مخنیوي او د جوازونو د تمدید په موخه د همغږۍ غونډه ترسره شوه.

د دې غونډې په ترڅ کې د نوموړي ولایت د سیمه ایزو اف ام راډیوګانو مسئولینوته لارښوونه وشوه چې د قوانینو او مقرراتو سره سم خپل جوازونه نوي کړي، د راډیوګانو له هغه بینډویت څخه چې د مخابراتو او معلوماتي ټکنالوجۍ وزارت د اټرا ادارې له خوا دوی ته ورکړل شوي ګټه واخلي او خپل ټول ټاورونه دې له کړنلارې سره سم د اټرا ادارې په مرکزي دفتر کې ثبت کړي.

په همدې ډول د مخابراتي شرکتونو د فریکونسیو د ګډوډۍ د مخنیوي په موخه لارښوونه وشوه، چې د راډیوګانو لپاره دې بانډ پاس فیلټر دستګاه نصب او وکاروي.

د يادونې وړ ده، چې  په نوموړي ولایت کې د اف ام راډيوګانو مسئولينو ژمنه وکړه، چې خپلې چارې به د مخابراتو او معلوماتي ټکنالوجۍ وزارت د اټرا ادارې له کړنلارې سره سم پرمخ وړي.