طورخم ښارګوټي کې راستنیدونکو کډوالو ته د مخابراتي خدمتونو د وړاندې کولو له جریان څخه څارنه وشوه
ننګرهار ولایت مخابراتو او معلوماتي ټکنالوجۍ ریاست رئیس او ورسره مل پلاوي طورخم ښارګوټي عمري کمپ کې د مخابراتي شرکتونو له خدماتو او د سیمکارتونو د ثبت او ویش پروسې څخه څارنه ترسره کړه.
ننګرهار ولایت مخابراتو او معلوماتي ټکنالوجۍ ریاست ټولو مخابراتي شرکتونو ته سپارښتنه وکړه چې خپلې ټولې کړنې د مخابراتو او معلوماتي ټکنالوجۍ وزارت د اترا ادارې د سیمکارتونو د ثبت او توزیع کړنلارې مطابق ترسره کړي او بیرته راستنیدونکو کډوالو ته دې لازمې آسانتیاوې برابرې کړي.
د یادولو وړ ده چې د مخابراتي شرکتونو مسئولینو ژمنه وکړه چې خپلې ټولې کړنې د اصولو مطابق پر مخ وړي.
