د (CMS) یا د محتوا د مدیریت سیسټم لاسته راوړنې

د معلوماتي ټیکنالوجۍ، مخابراتو او ساینس وزارت د محتوا مدیریت سیسټم، چې د دولتي ویب ‌سایټونو جوړولو او د ستونزو حل کولو مسؤلیت لري، په وروستیو میاشتو کې د دولتي دفترونو لپاره د ویبسایټ رامینځته کولو او ډیزاین برخو کې د پام وړ فعالیتونه ترسره کړي دي چې خورا مهم یې په لنډ ډول تشریح شوي دي:

۱-  د هیواد ټولو دولتي پوهنتونونو او د کابل پوهتون پوهنځیونو لپاره د ویب سایټ رامنځته کول، او د ویبسایـټ کارولو څرنګوالی په اړه د پوهنتون کارکوونکو لپاره روزنیز پروګرامونه برابرول.

۲-  د پشتنې بانک لپاره د ویب سایټ ډیزاین او جوړول او همداراز د بانک تخنیکي کارکوونکو ته د ویب سایټ په برخه روزنه ورکول. https://pashtanybank.com.af/

۳-  د جمهوري ریاست د لومړی معاونیت لپاره د ویب سایټ او ډیزاین جوړولو کار جریان لري چې په دې نیږدې راتلونکي کې به یې کار نهایي شي.  https://fvp.gov.af/

۴-  د افغان سرې میاشتې ټولنې لپاره د ویب سایټ ډیزاین او جوړول او د ویب سایټ په برخه د دغې ټولنې کارکوونکو روزنه. https://arcs.af/

۵-  د ملي مصالحې عالي شورا لپاره د ویب سایټ ډیزاین او جوړول او د ویب سایټ په برخه د دغې شورا کارکوونکو روزنه https://hcnr.af/dr

۶-  د ټولګټو وزارت لپاره د ویب سایټ ډیزاین او جوړول او د ویب سایټ په برخه د دغه وزارت کارکوونکو روزنه. https://mopw.gov.af/

۷-  د سی ام اس ټیم لخوا د دولتي دفترونو ورځنۍ ستونزې حلول.