د پکتیا ولایت لجې منګل ولسوالۍ کې د یوه نوي مخابراتي سایټ د جوړولو سروې ؤشوه
د هیواد لرو پرتو سیمو ته د مخابراتي او انټرنټي آسانتیاوو برابرولو په موخه د مخابراتو او معلوماتي ټکنالوجۍ وزارت د پریکړې له مخې د پکتیا ولایت د مخابراتو ریاست، د ګډ مسلکي ټیم له لوري لجې منګل ولسوالۍ په تشنک سیمه کې د ټي ډي اف لسمې پروژې له لارې مخابراتي سایټ د جوړولو لپاره سروې تر سره شوه.
د یاد مخابراتي سایټ د جوړولو عملي چارې به ډیر ژر پیل شي چې د جوړیدو سره به یې د یاې سیمې د اوسیدونکو مخابراتي او انټرنټي ستونزې هوارې شي.
د یادونې وړ ده چې د مخابراتو او معلوماتي ټکنالوجۍ وزارت تېرو ۳ کلونو کې توانېدلی د هېواد ډېری محرومې سیمې له مخابراتي آسانتیاو برخمنې کړي او همدا راز د هېواد هغو سیمو لپاره چې هیڅ راز مخابراتي آسانتیاوې پکې نه وې موجودې، ۵۱۰ مخابراتي سایټونه په نظر کې ونیول چې اوس مهال په یادو ټولو مخابراتي سایټونو عملاً کار روان دی او یو شمېر یې ګټې اخیستنې ته هم سپارل شوي.
