د پکتیا ولایت روحاني بابا ولسوالۍ کې د سلام مخابراتي شرکت ۲جی او ۳جی سایټ په فعالیت پیل وکړ!
د افغان تیلیکام مخابراتي شرکت د مخابراتي خدماتو د پراختیا او د هېوادوالو د اړیکو د آسانتیا په موخه، د پکتیا ولایت، روحاني بابا ولسوالۍ اړوند د لک دیوال په سیمه کې یو ۲جی او ۳جی مخابراتي سایټ په بریالیتوب سره فعال او ګټې اخیستنې ته وسپارل شو.
یاده سیمه تر دې وړاندې د مخابراتي او انټرنېټي خدماتو څخه بېبرخې وه، چې له امله یې ځایي اوسېدونکي له جدي اړیکنیزو ستونزو سره مخ وو. د مخابراتي پوښښ نشتون د خلکو پر ورځني ژوند، سوداګریزو فعالیتونو، تعلیمي چارو، روغتیايي اړیکو او بیړنیو خدماتو منفي اغېزې کړې وې.
له نېکمرغه، د سلام مخابراتي شبکې د یاد سایټ په فعالېدو سره د لک دیوال سیمې اوسېدونکو ته د غږیزو اړیکو او ډیټا خدمتونه برابر شول، چې په پایله کې یې د خلکو ګڼې ستونزې هوارې شوې دي. د سیمې خلکو له دې اقدام څخه خپله خوښي او رضایت څرګند کړی او دا یې د اړیکو د ښه والي او سیمهییز پرمختګ لپاره یو مهم او اغېزناک ګام بللی دی.
د یادونې وړ ده چې د مخابراتي زیربناوو پراختیا په لرې پرتو سیمو کې د معلوماتو ته د لاسرسي، اقتصادي ودې او ټولنیز پرمختګ لپاره بنسټیز ارزښت لري. پکتیا ولایت مخابراتو او معلوماتي ټکنالوجی ریاست د مخابراتی شرکتونو سره به د ملي مسؤلیت له مخې هڅه کوي، څو د هېواد په ګوټ ګوټ کې معیاري مخابراتي خدمتونه وړاندې کړي او د خلکو اړتیاوو ته پر وخت ځواب ووایي، پکتیا ولایت مخابراتو او معلوماتي ټکنالوجی.
