د پکتیا ولایت جانیخیلو ولسوالۍ کې انټرنیټي او مکالماتي خدمات پیل شول
هېواد کې لرو پرتو سیمو ته د مخابراتي پوښښ او همداراز د هېواد جنوب ختیځو ولایتونو ته د مخابراتو او معلوماتي ټکنالوجۍ وزارت وزیر ښاغلي الحاج مولوي نجیب الله حیات حقاني د سفر په ترڅ کې د پکتیا ولایت جانیخیلو ولسوالۍ ته د منظور شویو سایټونو له ډلې یو سایټ جوړ او ګټې اخیستنې ته وسپارل شو.
یاد مخابراتي سایټ د جانیخیلو ولسوالۍ رجبیګي کوتل سیمه کې په فعالیت پیل وکړ چې د یادې سیمې اوسېدونکو لپاره به 4G انټرنیټي خدماتو سربیره مکالماتي خدمات هم وړاندې کوي او د پکتیا ولایت د جانیخیلو ولسوالۍ د اوسېدونکو مخابراتي ستونزې چې پخوا یې درلودې حل کړي.
د یادونې وړ ده د یادې ولسوالۍ په یو شمېر نورو سیمو کې هم د مخابراتي سایټونو د جوړولو په موخه سروې ترسره شوې وه.
