د پروان ولایت د مخابراتو او معلوماتي ټکنالوجۍ ریاست له لوري د یاد ولایت بېلابېلو برخو کې د سیمکارټونو د ثبت او راجسټرېشن له پروسې څارنه ترسره شوه
د پروان ولایت د مخابراتو او معلوماتي ټکنالوجۍ ریاست له لوري په مرکز چاریکار او یو شمېر سیمو کې د مخابراتي شرکتونو اړوند د نویو سیمکاتونو د پلور له بهیر او د سیمکارټونو د ثبت او راجسټرېشن له پروسې څارنه ترسره شوه.
د دغې څارنې په ترڅ کې ډاډ تر لاسه شو چې تر دې دمه د مخابراتي شرکتونو له لوري پروان ولایت کې د مخابراتو او معلوماتي ټکنالوجۍ وزارت د اټرا ادارې د کړنلارې مطابق د ثبت او راجسټر پروسه پر مخ ځي او همدا رنګه د ولایتي ریاست له لوري مخابراتي شرکتونو ته په دې برخه کې د مخابراتي شبکو مشترکینو لپاره د آسانتیاو د ډېرولو او سهولتونو د برابرولو سپارښتنې هم وشوې.
د مخابراتو او معلوماتي ټکنالوجۍ وزارت نظارتي ټیمونه د هېواد په ټولو ولایتونو کې د مخابراتي شرکتونو له خدماتو څخه وخت په وخت څار ترسره کوي او د غیر قانوني کړنو په صورت کې یې مخنیوی کوي او سرغړوونکو سره قانوني چلند هم کېږي.
