د پروان ولایت جبل سراج ولسوالۍ په مرکز کې د روشن مخابراتي شرکت ۴جي خدمتونه فعال شول
د مخابراتو او معلوماتي ټکنالوجۍ وزارت د لارښوونې پر اساس، د پروان ولایت د مخابراتو او معلوماتي ټکنالوجۍ ریاست او د روشن مخابراتي شرکت په ګډو هڅو د یاد ولایت په جبل السراج ولسوالۍ کې د روشن مخابراتي شرکت انټرنېټي خدمتونو ظرفیت ۴جي ته لوړ او ګټې اخیستنې ته وسپارل شول.
د نوموړي مخابراتي شرکت د ۴جي انټرنیټي خدمتونو په فعالیدو سره به د پروان ولایت د یادې ولسوالۍ اوسېدونکي وکولای شي لوړ کیفیت او چټک انټرنېټي خدمتونو ته لاسرسی ولري او خپلې مخابراتي او انټرنېټي ستونزې هوارې کړي.
د پروان ولایت جبل الرسراج ولسوالۍ اوسېدونکو د مخابراتو او معلوماتي ټکنالوجۍ وزارت د دغه نیک اقدام ستاینه وکړه او د نوموړي ولایت د مخابراتو او معلوماتي ټکنالوجۍ ریاست، له هڅو یې خوښي څرګنده کړه.
