د ولسي جرګې د بودیجې او مالي کمیسیون په جلسه کې د مخابراتو او معلوماتي ټکنالوژۍ وزارت سرپرست او نامزد وزیر ګډون
پرون سهشنبې د غرمې وروسته د ولسي جرګې د بودیجې او مالي کمیسیون په غوښتنه د مخابراتو او معلوماتي ټکنالوژۍ سرپرست او نامزد وزیر اغلې معصومه خاوري په یاد کمیسیون کې گډون او د تیر ۱۳۹۸ مالي کال د قطعیه په اړه بحث او خبرې وکړې.
په دې جلسه کې د مخابراتو او معلوماتي ټکنالوژۍ د مالي ریاست محترم رییس هم برخه درلوده او د ۱۳۹۸ مالي کال د بودیجې د مصرفولو د څرنګوالي په اړه د نوموړي کمیسیون د غړو پوښتنو ته د دوی لخوا مناسب او قانع کوونکي ځوابونه ورکړل شول.
د بحث او د نظرونو د تبادلې وروسته کمیسیون پریکړه وکړه، چې د نورو ابهاماتو په اړه به د اړوند ادارو (مالیې او مخابراتو وزارتونو) مسئولین دې په خپل مینځ کې ناستې وکړي ترڅو پاتې پوښتنو ته ځوابونه پیدا شي.
