د مخابراتو او معلو ماتي ټکنالوجۍ وزیر د Baker Mackenzie نړیوالې کمپنۍ له مسئولینو سره وکتل

د مخابراتو او معلو ماتي ټکنالوجۍ وزیر ښاغلي شهزاد اریوبي په امریکا متحده ایالاتو کې د Baker Mackenzie نړیوالې کمپنۍ له مسئولینو سره په ناسته کې، چې په متحده ایالاتو کې د افغانستان سفیر ښاغلي حمدالله محب یې هم ملتیا کوله، په مخابراتو او معلو ماتي ټکنالوجۍ سکټور کې د سوداګرۍ، پدې برخه کې د پانګونې فرصتونو، دهېواد په ICT برخه کې د شویو پر مختګونو او دلاسته راوړنو، امنتي وضعیت، ډیجيټل اتصال لپاره د افغانستان پر مناسبو جغرافیه وي ځانکړتیاوو، لاسته راوړنو، انټرنیټ، سیمه ایزو شبکو، د ځوان نسل ودې او مهارتونو لوړولو، په اقتصادي پرمختګ کې د ځوانانو رول پر اهمیت، د ICT سکټور پرمختیا، اقتصادي فرصتونو، سیمه ایز اتصال، د سیمې او ګاونډیو هېوادونو سره د قراردادونو لرلو، د هېواد راتلونکې ته د خلکو خوشبینۍ، د اسان خدمت ادارې او له همدې لارې خلکو ته د عامه خدمتونو وړاندې کولو لکه پاسپورټ، د ترافیکو سیستم، بهرنیو او داخلي اتباعو ته کاري جواز سیستم، بریښنایي تذکرې، د بریښنایي حکومتولۍ لپاره کړنلارې، د NIXA پروژې چې په وسیله یې د هېواد انټر نیټ په بشپړ کنټرول کې راځي، د معلوماتو د امنیت برخې ظرفیت لوړولو، او د بحرانونو په مدیریت کې د دولت پر رول تر څو حصوصي سکټور ته د پانګونې ډاډمن چاپیر یال رامنځ ته شي مفصل بحث او خبرې وکړې.