د مخابراتو او معلوماتي ټکنالوژي وزارت د میرمن ډګرمن بیردن د مخه ښې په موخه غونډه جوړه کړه
د ۲۰۱۲ د جولای په لومړی نېټه دمخابراتو او معلوماتي ټکنالوژی په وزارت کې د نړیوالو سوله ساتو ځواکونو دمشورتي ډلې مشرې میرمن ډګرمن الیزابت بیردن سره د مخه ښې په موخه غونډه جوړه شوه. ټاکل شوې چې اغلې بیردن په افغانستان کې د خپلې دندې د ترسره کیدو نه ورسته د نوې دندې په موخه له دې هېواد څخه لاړه شی. د مخابراتو او معلوماتی تکنالوژی وزیر امیرزی سنګین د نوموړې د ښو مشورو څخه په مننې څرګنده کړه او وویل چې د نوموړې تر مشرتابه لاندې مخابراتي مشورتي ټیم ( TAT ) د مخابراتو له وزارت سره د یو لړمهمو موخو په لاسته راوړلو او د اړوندو پالسیو په پلې کیدو او همدارنګه د امریکا د پانګوالو سره په مستقیمو اړیکو جوړولو چې په افغانستان کې د سټلایټ په پراخیدو او د موبایل خدمتونو د مارکیټ په برخه کې کار اوهمکاري ته لیوال دی مرسته کړې ده .
میرمن بیردن په خپل وار سره د مخابراتو او معلوماتي ټکنالوژي له جلالتماب وزیر او د هغه د ښه ستراتیژیک لید او بریالې رهبري څخه یادوونه او قدردانی او د نوروهمکاریو ژمنه وکړه.
.jpg)
په دې غونډه کې د مخابراتو او معلوماتي ټکنالوژي وزیر د خپل څو ورځې وړاندې سفر د ښو خاطرو څخه چې د امریکا متحده ایالاتو ته د(ICF) د ۲۰۱۲د کال د جایزې د ورکړې غونډې ته یی د بلنې په موخه کړی وو خوښي څرګنده کړه. د یادوونې وړ ده چې د مخابراتو او معلوماتي ټکنالوژي وزیر امیر سنګین ته نوموړې د ۲۰۰۷ کال نړیواله جایزه د مخابراتي سکتور د پراختیا په برخه کې د ښې رهبرې او بریالي دندې له کبله ورکړ شوې وه .
د مخابراتو او معلوماتي ټکنالوژي وزیر امیرزي سنګین د خپل وروستي سفر په لړ کې د متحده ایالاتو د لوړ پوړو چارواکو سره په سپینه ماڼۍ ، پنتاګون او نورو مهمو موسسو او ادارو کې لیدنې او کتنې لرلې چې میرمن بیردن ددغو لیدنو په تنظیم کې هراړخیزه همکارې کړې وه .
د مخه ښې په دغه غونډه کې د مخابراتو د مشورتی ټیم د غړیو څخه مرستیال جان هارن، ریيس ګریګوري امینټ،لاری وینتز او ځانګړي مشاور اولیور او همدارنګه د مخابراتو وزارت رهبري هیيت ، د مخابراتي خدمتونو د تنظیم ادارې او د افغان پوست ریسانو هم ګډون کړی و.
