د مخابراتو او معلوماتي ټکنالوجۍ وزارت د تېرې یوې اوونۍ په لړ کې د ترسره شویو کړنو او راپورونو لنډیز

تېره اونۍ کې، د مخابراتو او معلوماتي ټکنالوژۍ وزیر محترم الحاج مولوی نجیب الله حیات حقاني د ټولو مخابراتي شرکتونو اداري، تخنیکي او مسلکي مسئولینو سره د غیرقانوني تجهیزاتو، سیم کارتونو، لرې پرتو سیمو ته د مخابراتي خدمتونو وړاندې کولو، ودې او پراختیا په موخه لیدنه تر سره کړه.

او همداراز د مخابراتو او معلوماتي ټکنالوجۍ وزارت اړوند ولایتي ریاستونو له لوري، په یوشمیر ولایتونو کې د مخابراتي شبکو د نویو سایټونو سروې، نوی فعالیت او د ظرفیت لوړولو په موخه اقدام شوی.

دې لړۍ کې په یو شمیرولایتونوکې د کمپیوټر له ښوونیزو مرکزونو څخه د زدکوونکو د فراغت او جذب په مناسبت د غونډو ترسره کیدل شامل دي.

دا ټول اقدامات د مخابراتي سکتور د تقویت او د خدماتو د لوړ کیفیت د تأمین لپاره مهم ګامونه ګڼل کیږي.

د مخابراتو او معلوماتي ټکنالوجۍ وزارت د تېرې یوې اوونۍ لاسته راوړنې په مسلسل ډول خپرې کړي او دلته په خلص ډول نشر ته سپارل کېږي.