د مخابراتو او معلوماتي ټکنالوجۍ وزارت د انسټا ټېلېکام (INSTA TELECOM) او د (ACG) شرکتونه د نېکسا يا د انټرنېټي خدماتو د تبادلې مرکز NIXA سره یوځای کړل.
![The MCIT connects (INSTA TELECOM) and (ACG) with (NIXA) Interchange Services Center](/sites/default/files/2018-10/42958240_1958797724417445_973666384468770816_n.jpg)
د مخابراتو او معلوماتي ټکنالوجۍ وزارت د معلوماتي ټکنالوجۍ د سيسټمونو د امنيت د سرپرست محترم محمد زاهد ستانکزي له خوا نن ددغه شرکتونو سره هوکړه لیکونه لاسلیک او دواړه شرکتونه به له دې وروسته رسما د NIXA تر چتر لاندې فعالیت کوي.
د انټرنيټي خدماتو د تبادلې مرکز يا NIXA سره ددغه شرکتونو د یوځای کېدو سره نه یواځې دا چې د انټرنيټي خدماتو کيفيت لوړېږي، بلکې بيې هم ور سره ټيټېږي او همدا شان په هېواد کې د انټرنيټي معلوماتو د خوندتيوب لپاره زمينه سازي کېږي.
د مخابراتو وزارت په پام کې لري چې په افغانستان کې موجوده نږدې ۶۰ د انټرنيټي خدماتو وړاندې کوونکي شرکتونه ددغه سيسټم تر چتر لاندې راولي، تر څو له یوې خوا په افغانستان کې انټرنيټي معلوماتي خوندي او له بله پلوه، د معلوماتو د تبادلې په برخه کې اسانتياوې رامنځته شي.