د لوګر ولایت په مرکز او یو شمیر ولسوالیوکې د دوه نویو مخابراتي سایټونو د جوړولو عملي کار پیل شو
د مخابراتو او معلوماتي ټکنالوجۍ وزارت د پلان له مخې او د لوګر ولایت د مخابراتو او معلوماتي ټکنالوجۍ ریاست او د سلام مخابراتي شبکې د ګډو هڅو په پایله کې، د یاد شرکت دوه نوي مخابراتي سایټونه چې د لوګر ولایت مرکز اړوند بابوس سیمی پړاو جباری او د برکي برک ولسوالی په شامزارعباد کلیو کې موقعیت لري د جوړیدو عملي چارې پیل شوې.
د یادو مخابراتي سایټونو په فعالیدو سره به د لوګر ولایت د ذکرشویو سیمو اوسیدونکي د لوړ کیفیت مخابراتي او انټرنیټي خدمتونو ته لاسرسی ولري، مخابراتي او انټرنیټي خدمتونو ته د لاسرسي په برخو کې به یې ستونزي حل شي.
