د فساد سره د مبارزې په تړاو ناسته وشوه

د مخابراتو او معلوماتي ټکنالوجۍ وزارت سرپرست وزیر انجینر سید احمد شاه سادات د فساد سره د مبارزې د څار او ارزیابۍ کمیسون له مسولینو سره ناسته وکړه. سرپرست وزیر د فساد پر ضد د دغه کمیسون د تلاشونو او هڅو ستاینه وکړه او د هر راز همکارۍ ډاډ یې ورکړ. سرپرست وزیر همدا راز د فساد د مخنیوي او اغېزمنې مبارزې لپاره د مخابراتو او مالوماتي ټیکنالوجۍ وزارت د ټولو برخو د ارزیابۍ او د هرې پروژې او د وزارت د کارونو په اړه د اړینو مالوماتو ورکولو ژمنه وکړه او په دې اړه یې د دغه کمیسون سره د دوامداره غونډو په اړه هدایات ورکړل.
د فساد سره د مبارزې د څار او ارزیابۍ کمیسون د فساد په ضد د سرپرست وزیر د تعهد او لاسته راوړنو ستاینه وکړه او په دغه لاره کې یې په دوه اړخیزو همکاریو ټینګار وکړ.