د زابل ولایت بالا حصار سیمه کې د افغان بیسیم مخابراتي شبکې ۳جي انټرنیټي خدمتونه پیل شول
د مخابراتو او معلوماتي ټکنالوجۍ وزارت د پاملرنې پر اساس او د زابل ولایت د مخابراتو او معلوماتي ټکنالوجۍ ریاست او د افغان بیسیم مخابراتي شرکت په ګډو هڅو د یاد ولایت په بالاحصار کې د افغان بیسیم مخابراتي شرکت ۳جي مخابراتي او انټرنټي خدمتونه په رسمي ډول پرانیستل شول.
د افغان بیسم مخابراتي شبکې د ۳جي انټرنټي خدمتونو په فعالیدو سره د نوموړي ولایت د مرکز قلات ښار اوسېدونکي کولای شي لوړ کیفیت او چټک انټرنېټي خدمتونو ته لاسرسی ولري او خپلې مخابراتي ستونزې هوارې کړي.
د یادونې وړ ده چې د یاد ولایت مرکز قلات ښار اوسېدونکو د مخابراتو او معلوماتي ټکنالوجۍ وزارت د کړنو ستاینه وکړه او د دغه ولایت د مخابراتو او معلوماتي ټکنالوجۍ ریاست له هڅو یې خوښي څرګنده کړه او د نوموړي شرکت له مسؤلینو څخه یې غوښتنه وکړه چې خپل مخابراتي خدمتونه د یاد ولایت نورو سیمو ته هم وغځوي.
