د اسيا د وروسته پاتې هېوادونو په سيمه ايزه ناسته کې ګډون،

د مخابراتو او معلوماتي ټيکنالوجۍ سرپرست وزير ښاغلي شهزاد اريوبي د ملګرو ملتونو UN-OHRLLS لخوا تنظيم شوي د اسيا د وروسته پاتې هېوادونو په سيمه ايزه ناسته کې ګډون وکړ. په دغه دوه ورځنۍ ناسته کې د اسيا د وروسته پاتې هېوادونو په مخابراتي او د معلوماتي ټيکنالوجۍ په سکتور کې لاسته راوړنو، ستونزو او تجربو باندې خبرې وشوې. 

د مخابراتو او معلوماتي ټيکنالوجۍ سرپرست وزير وويل:
افغانستان په تېرو ۱۵ کالو کې په دغه سکتور کې سريع پرمختګ کړی. ۹۰٪ خاوره يې تر مخابراتي پوښښ لاندې ده. د درې مليارده ډالرو په ارزښت پانګونه شوې او ۵ سترې شبکې په دغه برخه کې فعاليت کوي."
هغه همدا راز د اسيا د وروسته پاتې هېوادونو تر منځ د همکاريو لپاره د همغږۍ په زياتوالي، ښې حکومتولۍ او د خصوصي سکتور په تقويې ټينګار وکړ.
د يادونې وړ ده چې د نړۍ په وروسته پاتې هېوادونو کې لا هم 3.9 مليارده خلک انټرنيټ ته لاس رسی نلري.