د غور ولایت یوشمیر ولسوالیو کې د سلام مخابراتي شبکې درې سایټونه فعال او ګټې اخیستنې ته وسپارل شول
د مخابراتو او معلوماتي ټکنالوجۍ وزارت د پلان له مخې د غور ولایت پسابند ولسوالۍ خمبولاق کلي کې، دولینه ولسوالۍ خاک یارک سیمه کې او شهرک ولسوالۍ سرتایده سیمه کې دسلام شبکې درې مخابراتي سایټونه د مخابراتي ستونزو د حل په موخه چې اټرا اداري د ټي ډي اف لسمې پروژې په مرسته جوړ او د مخابراتي چوپړ د وړاندې کؤلو په موخه ګټې اخیستنې ته وسپارل شول .
د یادو مخابراتي سایټونو په فعالېدو سره به دغور ولایت د پسابند، دولینه او شهرک ولسوالیو اوسیدونکي له مخابراتي خدمتونو برخمن شي او کولای شي له انټرنټي او مکالماتي چوپړ ګټه پورته کړي.
د یادولو وړ ده د غور ولایت د یادو ولسوالیو اوسېدونکو د مخابراتو او معلوماتي ټکنالوجۍ وزارت له مشرتابه مننه وکړه چې د هېواد لرو پرتو سیمو ته یې ځانګړې پاملرنه کړې او هغه سیمې چې له ډېره وخته د مخابراتي خدمتونو څخه بې برخې وې اوس مهال ورته غوره مخابراتي چوپړ وړاندې کېږي.
