د رهبري هئيت نوبتي غونډه
د مخابراتو او مالوماتي ټيکنالوژۍ د سرپرست وزير شهزاد اریوبي په مشرۍ د رهبري هئيت غونډه وشوه. په دغه غونډه کې د تخنیکي معین سید احمدشاه سادات او مالي او اداري معين ډاکټر هادي هدایتي تر څنګ د رهبري هئيت غړو ګډون کړی و.
په غونډه کې د ۱۰٪ مخابراتي ماليې اړوند RTMS سستم، د اليکترونيکي حکومتولۍ اړوند هوسا پروژې، د سيم کارتونو د راجسترېشن په نهايي شوې کړنلارې او پروسې، د انکشافي بوديجې، د واخان له لارې له چين سره د نوري فايبر پروژې په کارونو، د TDF بوديجې، د وصل ټيليکام او سټريم لينک اړوند بقایه جاتو، د نوري فايبر په راتلونکي پلان، ډيجيټل کاسا او په يو لړ نورو موضوعاتو بحثونه وشو.
سرپرست وزير د چارو د چټکوالي اړوند هدايات ورکړل او د وزارت لخوا تر سره شوي کارونه يې و ارزول.
