ننګرهار ولایت کې له مخابراتي خدمتونو بې برخو سیمو کې ۵ مخابراتي آنټنونه جوړ او ګټې اخیستنې ته ؤسپارل شؤل
لرو پرتو سیمو ته د مخابراتي خدمتونو د رسولو په دوام د ننګرهار ولایت غني خېلو، کوټ، هسکې مینې، رودات او چپرهار ولسوالیو کې د مخابراتو او معلوماتي ټکنالوجۍ وزارت د مخابراتي خدمتونو د تنظیم ادارې (اترا) انکشافي بودیجې څخه د افغان ټلېکام سلام مخابراتي شرکت ۵ آنټنونه چې د ټي ډي اېف لسمې پروژه کې یادو سیمو ته په پام کې نیول شؤي وو جوړ او د مکالماتي او انټرنټي خدمتونو د وړاندې کؤلو په موخه ګټې اخیستنې ته ؤسپارل شؤل.
په همدې مناسبت جوړې شوې غونډه کې د ننګرهار ولایت د مخابراتو ریاست او د اترا ادارې ولایتي مسؤل ډاډ څرګند کړ چې یاد مخابراتي آنټنونه چې څه وخت وړاندې محرومو سیمو لپاره د مخابراتي خدمتونو د وړاندې کؤلو په موخه پلان کې نیول شؤي وو د رغنیزو چارو له بشپړېدو وروسته اوس مهال غني خېلو، کوټ، هسکې مینې، رودات او چپرهار ولسوالیو کې د 2G او 3G چوپړ وړاندې کوي چې تر ډېره بریده به د دې سیمو مخابراتي ستونزې ورسره حل شي، د دوی په وینا په پام کې ده چې راتلونکي کې به د جوړو شویو ۵ مخابراتي سايټونو ظرفیت، د لا ښو خدماتو د وړاندې کؤلو په موخه 4G ته لوړ کړای شي او د هغو سیمو لپاره چې لا هم له مخابراتي ستونزو سره مخ دي د سایټونو رغنیزې چارې روانې دي.
د غني خېلو، کوټ، هسکې مینې، رودات او چپرهار ولسوالیو قومي مشرانو او اوسېدونکو د مخابراتي خدمتونو په برخه کې د وزارت او ولایتي مسؤلینو هڅې وستایلې او د یادو سیمو لپاره یې د مخابراتي چوپړ د برابرو په موخه مننه وکړه
