ننګرهار ولایت حصارک ولسوالۍ پتو قلعه سیمه کې په لومړی ځل مخابراتي او انټرنیټي خدمتونه پیل شول
د ننګرهار ولایت حصارک ولسوالۍ پتو قلعه سیمه کې د یاد ولایت مخابراتو او معلوماتي تکنالوژجۍ ریاست رهبرۍ، اترا ادارې آمریت او افغان بیسیم مخابراتي شرکت په هلو ځلو په لومړي ځل د افغان بیسیم مخابراتي شرکت یو سایټ چې د (ټي ډي اف) پروژې له بودیجې څخه جوړشوی، افتتاح او ګټې اخیستنې ته وسپارل شو.
د دغه سایټ په فعالیدو سره به د یادې سیمې مخابراتي او انټرنیټي ستونزې حل شي.
دیادونې وړده چې د نوموړي سیمې اوسیدونکو د دغه مخابراتي سایټ له جوړیدو څخه د مخابراتو او معلوماتي تکنالوجۍ وزارت یاده کړنه وستایله او خوښي یې څرګنده کړله.
