د لغمان ولایت مهترلام ښار ولایتي روغتون د نوري فایبر له لارې انټرنیټ سره نښلول کیږي
د انټرنیټ سره د روغتونونو او روغتیایی مرکزونو د نښلو لپاره د هڅو په دوام، د مهترلام ولایتي روغتون ته د نوري فایبر کیبل غزولو کار په رسمي ډول پیل شو، چی په بشپړیدو سره به یی دغه روغتون له نوري فایبر سره وصل شی.
تمه کیږي چې د دې اقدام په ترسره کیدو او د نوي ټکنالوجۍ کارولو سره، د یاد روغتون په ورځني چارو او خدمتونو په وړاندې کولو او "له لرې واټن درملنې" کې اړینې اسانتیاوې برابرې شي.
