د کابل ښاروالۍ د سرپرست سره لیدنه
Sat, Oct 27 2018 5:22 PM
شنبه/۵ عقرب/۱۳۹۷
د مخابراتو او معلوماتي ټکنالوجۍ وزیر محترم شهزاد آريوبي نن په خپل کاري دفتر کې د کابل ښاروالۍ سرپرست شعیب رحيمزاده سره د کتنې تر څنګ د مخابراتو او معلوماتي ټکنالوجۍ وزارت د راتلونکو فعالیتونو او د کابل ښاروالۍ سره د اړوندو موضوعاتو په اړه يې خبرې وکړې.
محترم شهزاد آريوبي د کابل ښاروالۍ سرپرست سره د ملي هويت د اسنادو د الکټرونيکي کېدو، د کابل ټرافيکو د برېښنايي سيسټم جوړېدو او د ښاروالۍ د خدماتو د پروسو ساده کولو په اړه خبرې وکړې چې د مخابراتو او معلوماتي ټکنالوجۍ وزارت تخنيکي ټيمونو سره همکاري وکړي، ترڅو هېوادوالو ته د خدماتو وړاندې کولو په برخه کې اسانتياوې رامنځته شي.
د کتنې په اوږدو کې محترم شهزاد آريوبي همدا شان د نويو لارړو او سړکونو د جوړولو او بيارغونې په وخت کې د نوري فایبر پروژې په نظر کې نيولو، په کابل کې د ادرسونو د سیستمونو جوړولو، د پُست بکس نمبرونو او د کورنو مخته د پُست بکسونو د نسبولو په اړه هم خبرې وکړې چې له مخې به يې ټول دولتي مراسلات د ګرانو هېوادوالو د کورونو مخې ته رسېږي.
