د مخابراتو او معلوماتي ټکنالوجۍ وزارت دوه تنه له دوه پایو غیرقانوني سیم باکسونو سره ونیول
د مخابراتي خدمتونو د تنظیم ادارې مرستیال خیر محمد فیضی د دوشنبې په ورځ په یوه مطبوعاتي کنفرانی کې وویل چې دوه تنه یې له دوه پایو غیر قانوني سیم باکسونو سره یوځای د کابل په ښار کې نیولی دي.
نوموړي وویل چې موږ ته د وري میاشتې په ۱۶ او ۲۳ نېټه خبر ورسېد چې د کابل ښار په لسمه او پنځمه حوزه کې غیر قانونی سیم باکسونه فعالیت کوي، موږ هم ددې کار د مخنیوي په موخه یو ټیم د اترا ادارې، لویې څارنوالۍ، ملي امنیت او پولیسو په کډون جوړ کړ، د لسمې حوزې د محکې له حکم نه وروسته په دې بریالی شوو چې په یادو حوزو کې دوه تنه چې یو یې قرغززستانی او بل افغان دی له دوه د سیم باکسونو له دستګاوو سره یوځای ونیسو او لسمې امنتي حوزې ته وسپارو.
یاد سیم باکسونو څخه یو د ۸ سیکارتونو او بل د ۶۴ سیمکارتونو ظرفیت لري، له دغو دستګاوو سره یوځای ۱۹ قلمه اړوند توکي او ۱۵ عدده د افغان بیسیم شرکت سیم کارتونه ضبط شوي دي.
په دې کار سره یادو کسانو لاندې موارد تر پښولاندې کړي :
۱ – له قانوني جوازونو پرته په مخابراتي خدمتونو یې لاس پورې کړی
۲ – د اترا ادارې له اجازې پرته یې مخابراتي وسایل او تجهیزات هېواد ته راوړي
۳ – د فریکونسیو له تخصیصاتو چې یوه محدوده سرچینه او سرمایه ده په غیر قانوني توګه او له جواز پرته کټه اخیستې ده.
۴ – دولت او شرکتونو ته یې په زرګونو امریکايي ډالره تاوان رسولی
۵ – امکان لري چې د هېواد د ملي امنیت ضد چارو کې ترې ګټه اخیستل شوې وي
د مخابراتی خدمتونو د تنۍیم اداره د امنیتي ادارو له مرستې او همکارۍ څخه په مننه هیله لري تر څو په راتلونکي کې هېڅ یو کس به غیر قانوني توګه وسایلو نه داستفادې په ترڅ کې هېواد ته مالي او امنیتي تاوان ونه رسوي
