د لوګر ولایت مرکز په شمول ۳ ولسوالیو کې د سلام مخابراتي شبکې د ۴ سایټونو خدمات ۴جي ته لوړ شول
د مخابراتي خدمتونو د پراختیا او د عصري تکنالوجۍ د پراخولو په موخه، د سلام امارتی مخابراتي شرکت له لوري د لوګر ولایت په مرکز او ولسوالیو کې د څلور مخابراتي سایټونو ظرفیت له ۳جي څخه ۴جي ته لوړ شول، چې ورسره د یادو سیمو اوسېدونکو ته د چټک، او معیاري مخابراتي او انټرنېټي خدماتو زمینه برابره شوه.
یاد څلور سایټونه د محمدآغې ولسوالۍ سرخ آب د مرکز پل علم پړاو د برکی ولسوالۍ عباد کلا او د خروار ولسوالۍ د ورسک غره په سیمه کې فعاله شوي، چې د ټولو یاد شویو سایټونو خدمات ۳جي څخه ۴جي لوړ شول.
د یادونې وړ ده تر دې وړاندې هم په لوګر ولایت کې د ګڼو مخابراتي شبکو د انټنونو ظرفیت لوړ شوی و او لا هم دا پروسه په لوګر ولایت کې مخ پر وړاندې روانه ده
