بامیانو ولایت یو شیمر ولسوالیو کې د ۱۰ مخابراتي سایټونو د جوړولو عملي چارې پیل شوې
د مخابراتو او معلوماتي ټکنالوجۍ وزارت د پلان له مخې او د بامیان ولایت د مخابراتو او معلوماتي ټکنالوجۍ ریاست په هڅو د مخابراتي خدماتو د پراختیا په موخه، د بامیان ولایت په یو شمیر ولسوالیو کې د ۱۰ نوي مخابراتي سایټونو د جوړولو عملي کار چې د ټي ډي اف لسمې پروژې له لارې به جوړ یږي پیل شو.
په هغه غوډه کې چې په همدې مناسبت جوړه شوې وه، د بامیان والي محترم مولوي عبدالله سرحدي د یاد ولایت د مخابراتو او معلوماتي ټکنالوجۍ ریاست د هڅو او کړنو څخه د ستاینې تر څنګ د باکیفیته خدمتونو په وړاندې کولو یې ټینګار وکړ.
همدارنګه د بامیانو ولایت د مخابراتو او معلوماتي ټکنالوجۍ رئیس محترم مولوي رحمت الله سلمان د ټکنالوجۍ د اهمیت په اړه خبرې وکړې او یادونه یې وکړه ویې ویل د دغه ریاست موخه د مخابراتو او انټرنیټي خدماتو پراختیا او باکیفیته خدمتونه چمتو کول ده.
د یادونې وړ ده چې د یاو مخابراتي سایټونو په فعالیدو سره به د بامیان ولایت د یو شمیر لرې پرتو ولسوالیو اوسیدونکي لوړ کیفیت لرونکي مخابراتي او انټرنیټي خدماتو ته لاسرسی ومومي او په دې برخه کې به یې ستونزې حل شي.
