د افغانستان د انټرنېټ د تبادلې مرکز (نکسا) د داوطلبۍ اعلان
Publish Date
Closing Date
د مخابراتو او معلوماتي ټکنالوژۍ وزارت له ټولو شرایط پوره کوونکو داوطلبانو څخه بلنه ورکوي، تر څو د افغانستان د انټرنېټ د تبادلې مرکز (نکسا) د پروژې د داوطلبۍ پروسې کې ګډون وکړي او خپلې آفرونه د شرطنامې له شرایطو او د تدارکاتو له قانون او لایحې سره سم ترتیب کړي، او په سرپټ ډول یې د ۱۴۰۴/۶/۳۰ نېټې د سهار تر ۱۰:۰۰ بجو پورې د مخابراتو وزارت د تدارکاتو ریاست ته، چې د وزارت د ۱۸ منزله ودانۍ په ۱۴ مه پوړ، د محمد جان خان واټ، د کابل ښار په دویمه ناحیه کې موقعیت لري، وسپاري.
ناوخته رسیدلي آفرونه او هغه چې د ایمیل له لارې رالیږل شوي وي، نه منل کېږي.
داوطلبان کولای شي شرطنامه د مخابراتو او معلوماتي ټکنالوژۍ وزارت له ویبسایټ (www.mcit.gov.af) یا د ملي تدارکاتو ریاست له الکترونیکي آدرس (https://tenders.ageops.af) څخه ترلاسه کړي.
که چیرې له یادو شویو سایټونو څخه شرطنامه ډاونلوډ نه شي، داوطلبان کولای شي د شرطنامې سافټ کاپي د فلش له لارې، د مخابراتو وزارت د ۱۸ منزله ودانۍ له ۱۴ مې پوړ، د تدارکاتو آمریت څخه ترلاسه کړي، چې په پل باغ عمومي، کابل کې موقعیت لري.
داوطلبان مکلف دي چې د آفر تضمین د بانکي تضمین په ډول، د نهه میلیونه او لس زره (۹,۰۱۰,۰۰۰) افغانیو په اندازه، د شرطنامې د مندرجاتو مطابق، د آفرگشایي غونډې پر مهال وړاندې کړي والسلام.
سندونه:
د افغانستان د انټرنېټ د تبادلې مرکز (نکسا) د داوطلبۍ لینک
الحاج مولوی حمد الله نعمانی
د مخابراتو او معلوماتی تکنالوجۍ وزیر
