د لوګر ولایت د مخابراتو او معلوماتي ټکنالوجۍ رئیس په محمد اغې ولسوالۍ کې له مخابراتي خدمتونو بې برخې سیمو څخه لیدنه وکړه
مخابراتي او انټرنیټي اسانتیاوو ته د نه لاسرسي له امله د لوګر ولایت د محمداغې ولسوالۍ د برګ کلي د خلکو د پرله پسې شکایتونو غوښتنو پر بنسټ د لوګر ولایت د مخابراتو او معلوماتي ټکنالوجۍ ریاست له تخنیکي ټیم سره په ګډه د یادې سیمې څخه د سروې په موخه لیدنه وکړه.
د سروې په پايله کې څرګنده شوه چې ياده سيمه له مخابراتي او انټرنيټي خدمتونو بې برخې ده او د دې کلي او ګاونډيو کليو خلک له مخابراتي ستونزو سره مخ دي.
د لوګر د مخابراتو ریاست په پام کې لري چې په یاده سیمه کې د مخابراتي شرکتونو په همکارۍ یو مخابراتي سایټ نصب او جوړ کړي، ترڅو د سیمې خلک مخابراتي اسانتیاوو ته لاس رسی ترلاسه کړي او خپلې مخابراتي او انټنټي ستونزې حل کړي.
