په سالنګ کې له یوه مخابراتي سایټ څخه څارنه تر سره شوه
د پروان ولایت د مخابراتو او معلوماتي ټکنالوژۍ ریاست، افغان ټیلیکام شرکت او اترا ادارې د استازو په ګډ حضور کې، د ټي ډي اف TDF لسمې پروژې اړوند د مخابراتي سایټ د ودانیزو چارو له بهیر څخه څارنه ترسره شوه. د څارنې پر مهال د یاد سایټ د چارو د پرمختګ، کیفیت او د ټاکل شوو تخنیکي معیارونو له مخې د چارو د تطبیق بهیر و ارزول شو.
د پروان ولایت د مخابراتو او معلوماتي ټکنالوژۍ ریاست د معلوماتو له مخې، دغه څارنه د پنجشنبې په ورځ، د ۱۴۰۵ کال د وږي میاشتې په ۱۹مه، د سالنګ ولسوالۍ د اورتي درې په سیمه کې ترسره شوې ده.
د څارنې پر مهال د یاد مخابراتي سایټ د خونو د چت د کانکریټ اچونې بهیر وکتل شو. همداراز د چارو د کیفیت د لا ښه والي او د ژمي موسم له رارسېدو وړاندې د پاتې کارونو د بشپړېدو په موخه، اړوندو مسوولینو او قراردادي شرکت ته لازمې سپارښتنې وشوې.
د پروان ولایت د مخابراتو او معلوماتي ټکنالوژۍ رئیس مولوي عتیق الله فیضاني ویلي، چې د یادې پروژې د چارو د کیفیت، چټکتیا او پر ټاکلي وخت د بشپړېدو په موخه به د اړوندو ادارو له لوري د پروژې له بهیر څخه څارنه دوام ولري.
