د مخابراتو او معلوماتي ټکنالوجۍ ټکنالوجۍ وزارت د عامې روغتیا وزارت کارکوونکو ته د سایبري امنیت د خوندیتوب په برخه کې درې ورځینۍ ورکشاپ ورکړ
د مخابراتو او معلوماتي ټکنالوجۍ وزارت چې هېواد کې د ټکنالوجۍ د ودې له هغې څخه د سالمې ګټې اخیستنې او همدا راز د سایبري فضا د خوندیتوب مسؤلیت لري نو په همدې موخه یې د هېواد بېلابېلو ادارو او وزارت خونو ته روزنیز ورکشاپونه په لاره اچولي چې له مخې یې د ګڼو وزارت خونو او ادارو کارکوونکو ته د سایبري جرمونو، خبرداریو او ډیجیټل نړۍ کې د ځان خوندي ساتلو معلومات ورکول کېږي.
ټولو ته جوته ده چې ټکنالوجي د خپل چټک پرمختګ تر څنګ ګټې او زیانونه هم لري، که له یوه لوري د ټکنالوجۍ پر مټ نړۍ سره نیږدې شوې، فاصلې ختمې شوي، فکر، نظر، رسمي برېښنا لیکونه، اړیکې د یوه کلېک په اندازې فاصلې ته محدودې شوي خو له بل لوري دغې فضا کې د معلوماتو خوندي ساتل، روغتیايي برخو کې ستونزو ایجادول او د چاپیریال اغېزمنېدل هم اندېښنې منځ ته راوړلای شي چې د پوهاوي لپاره یې داسې یوې برخې ته اړتیا لیدل کېږي چې د دغې برخې ماهرين وي.
دا چی د هري ټکنالوجۍ پر وړاندي ګڼ ګواښونه او خطرونه شتون لري نو د دې خطراتو د لمنځه وړلو او یا یې د کچې ټیټولو لپاره باید داسې موثر ګامونه پورته شي چې پر مټ یې وکولای شو شته خطرونه او زیانونه مدیریت کړو او یا یې له منځه یوسو او د ټکنالوجۍ خوندیتوب ته ځانګړې پاملرنه وشې.
سایبري امنیت نړۍ کې د ټکنالوجۍ د امنیت په برخه کې مهم رول لري نو اړینه ده چې د دغي څانګې د اسانتیاو، ګواښونو او خطراتو په هکله د هیواد په کچه مختلفو اداراتو ته د سایبری امنیت د عامه پوهاوي تر عنوان لاندي مختلفي برنامي، ورکشاپونه او سیمنارونه په لاره واچول شي، دا چې د مخابراتو او معلوماتي ټکنالوجۍ وزارت د سایبری امنیت ریاست موخې په هیواد کې د سایبري جرایمو تحقیق او پر وړاندې مبارزه ، مخنیوی ، دخطراتو کموالي تر څنګ د عامه خلکو او امارتي اداراتو کارمندانو ته عامه پوهاوی ورکول دي د همدې موخې د تحقق لپاره د سایبري امنیت ریاست د عامې روغتیا وزرات کارمندانو ته درې ورځنی ورکشاپ د Cyber Security Awareness د برنامي او د How to Protect Our Digital Life تر عنوان لاندي په لاره اچول شوی و، په یاد ورکشاپ کې د عامې روغتیا وزارت کارمندانو ته د سایبری خطراتو په اړه عامه پوهاوی ورکړل شو.
