د مخابراتو او معلوماتي ټکنالوژۍ وزارت د افغانستان د انټرنېټ د تبادلې مرکز (NIXA) د تهيې او تدارک پروژې د قرارداد د ورکړې پرېکړې اعلان
Publish Date
Closing Date
په دې وسیله، د قراردادونو قانون او د تدارکاتو د کړنلارې له مخې، د عامو خلکو خبرتیا ته رسېږي چې د مخابراتو او معلوماتي ټکنالوژۍ وزارت د افغانستان د انټرنېټ د تبادلې مرکز (NIXA) د تهيې او تدارک پروژه د کابل ښار په شهرنو سیمه کې مېشت د آی سي ټي زیپي لینک خدماتي شرکت ته د شپږ ویشت میلیونه، څلور نوي زره او اووه سوه پنځه اویا (۲۶,۰۹۴,۷۷۵) افغانیو په ټولیز ارزښت د ورکړې پرېکړه کړې ده.
هغه حقیقي او حکمي اشخاص چې په دې اړه هر ډول اعتراض ولري، کولای شي خپل اعتراض د دې اعلان د خپرېدو له نېټې څخه تر اوو (۷) تقویمي ورځو پورې، د خپلو دلایلو سره یوځای، په لیکلې بڼه د تدارکاتو ریاست ته چې د ۱۸ منزله ودانۍ په څوارلسم پوړ کې موقعیت لري، د تدارکاتو د اصولو له احکامو سره سم وړاندې کړي.
دا اعلان د قرارداد د عقد په معنا نه دی، او تر هغه چې پورته یاد شوی موده بشپړه نه شي او ورپسې قانوني مراحل طی نه شي، قرارداد به نه منعقد کېږي.
همدارنګه د یادې پروژې په داوطلبۍ کې ټولو ګډون کوونکو داوطلبانو ته خبر ورکول کېږي چې د آی سي ټي زیپي لینک خدماتي شرکت د آفر مبلغ د وزارت مقام د دفتر ریاست د ۱۴۴۷/۱۲/۲۷ نېټې د (۳۲۵) شمېرې راپور پر بنسټ، د مالي بودجې د کمښت له امله د لایسنسونو او سافټویرونو د حذف، د نهو (۹) پایه لېپټاپ کمپیوټرونو د شمېر د کمښت او د دوه سوه زره (۲۰۰,۰۰۰) افغانیو د تخفیف د وضع کولو له کبله، له (۳۰,۶۹۶,۵۱۰) افغانیو څخه (۲۶,۰۹۴,۷۷۵) افغانیو ته راټیټ شوی دی.
الحاج حافظ محمد امین جان "عمري"
د مخابراتو او معلوماتي ټکنالوژۍ وزارت مالي او اداري معین
