د لوګر ولایت د محمدآغې ولسوالۍ په زرغون شهر سیمه کې د 3G مخابراتي خدمتونه فعال شول
د مخابراتو او معلوماتي ټکنالوجۍ وزارت د هدایت پر اساس او د لوګر ولایت د مخابراتو او معلوماتي ټکنالوجۍ ریاست په هڅو د لوګر ولایت محمد آغې ولسوالۍ په زرغون شهر سیمه کې د افغان بېسیم مخابراتي شرکت د مخابراتي سایټ خدمتونه له 2G څخه 3G ته لوړ شول.
د افغان بېسیم مخابراتي شرکت د دې سایټ په فعالیدو سره اوس د زرغون شهر سیمې اوسیدونکي کولای شي چې چټکو مخابراتي او انټرنیټي خدمتونو څخه ګټه واخلي او په دې برخه کې خپلې ستونزې هوارې کړي.
د يادونې وړ ده، چې د يادې سيمې اوسېدونکي د مخابراتو او معلوماتي ټکنالوجۍ وزارت د کړنو ستاينه کوي او د لوګر ولايت د مخابراتو رياست له هڅو څخه خوښي څرګندوي.
