د پکتيکا ولايت پۀ برمل ولسوالۍ کې د سلام مخابراتي شرکت سايټ په فعالیت پیل وکړ
نوموړی سايټ د پکتيکا والي ښاغلي ډاکټر مجيب الرحمن څمکني، په ولسي جرګه کې د خلکو استازي ښاغلي خالد اسد او مخابراتو رئیس لخوا څه موده وړاندې ګټې اخيستنې ته وړاندې شوی و چې له تخنيکي چارو وروسته نن ورځ عملاً خپل فعاليت پيل کړ.
دا په داسې حال کې ده چې پۀ ياده سرحدي ولسوالۍ کې ولس لۀ مخابراتي ستونزو سره مخ وو، چې د همدې سايټ د فعالېدو سره سم به يې ستونزې راکمې شي.
