مخابراتي خدمتونو ته د لاسرسي (تی ډي اف) یوولسمې پروژې د داوطلبۍ خبرتیا
Publish Date
Closing Date
د مخابراتو او معلوماتي ټکنالوژۍ وزارت د مخابراتي خدمتونو د تنظیم اداره (اترا) په پام کې لري، مخابراتي خدمتونو ته د لاسرسي (تی ډي اف) يوولسمې پروژې، چې په ۲۸ ولایتونو او ۱۲۲ ولسوالیو کې د ۱۶۱ مخابراتي سایټونو جوړول او فعالول پکې شامل دي، د شرایطو وړ مخابراتي شرکتونو ترمنځ داوطلبۍ ته وړاندې کړي.
یاده پروژه د مخابراتو او معلوماتي ټکنالوژۍ وزارت د محترم مقام له لوري منظور شوې او د داوطلبۍ اړوند اسناد، چې شرطنامه، د تخنیکي مشخصاتو فورمه، د تخنیکي مشخصاتو سند او د داوطلبۍ شرایط پکې شامل دي، افغان ټیلیکام، افغان بېسیم، روشن، اتوما او اتصالات مخابراتي شرکتونو ته د برېښنالیک له لارې لېږل شوي دي.
له محترمو مخابراتي شرکتونو څخه غوښتنه کېږي، چې د اړوندو اسنادو له ترلاسه کولو وروسته، د یادو اسنادو ترلاسه کول په رسمي مکتوب کې اړوند ریاست ته تایید کړي او د ټاکل شویو شرایطو او مهالوېش له مخې د داوطلبۍ په بهیر کې ګډون وکړي
د مخابراتي خدمتونو ته د لاسرسي د تی دی اف یوولسمې پروژې د شرطنامې ډاونلوډ (PDF)
د داوطلبۍ اړوند معلومات او مهالوېش:
د پروژې موضوع: په ۲۸ ولایتونو او ۱۲۲ ولسوالیو کې د ۱۶۱ مخابراتي سایټونو جوړول او فعالول.
بلل شوي شرکتونه: افغان ټیلیکام، افغان بېسیم، روشن، اتوما او اتصالات.
د پروژې د اعلان نېټه: ۱۸ / ۸ / ۱۴۰۵
د داوطلبو شرکتونو پوښتنو ته د ځواب ویلو نېټه: ۰۳ / ۹ / ۱۴۰۵
د آفرونو د پرانیستلو نېټه: پنجشنبه، ۱۹ / ۹ / ۱۴۰۵
د آفرونو د پرانیستلو وخت: د سهار ۱۰:۰۰ بجې.
له محترمو مخابراتي شرکتونو څخه غوښتنه کېږي، چې د داوطلبۍ په اسنادو کې د درج شویو شرایطو او ټاکل شویو نېټو په رعایتولو کې لازم پام وکړي.
