د کندز ولایت د مخابراتو او معلوماتي ټکنالوجۍ ریاست او د کندز پوهنتون د کمپیوټر ساینس پوهنځي ترمنځ د همکارۍ هوکړه لیک لاسلیک شو
دغه هوکړه لیک د کندوز والي عبدالستار میرزکوال، د ولایت مقام مالي او اداري مرستیال، د مخابراتو او معلوماتي ټکنالوجۍ رئیس، د کندوز پوهنتون، د وړتیاوو لوړولو ولایتي کمیټې غړی او د کندز د لوړو زده کړو خصوصي چارواکو په حضور د ولایت مقام په تالار کې لاسلیک شو.
د دغه هوکړه لیک له مخې، به په کندز ولایت کې د ساینسي، څیړنیزو او ظرفیت لوړونې په برخو کې د زده کونکو لپاره په عملي کار چمتو کولو کې او د ادارو ډیجیټل کولو کې د همکارۍ زمینه برابره شي.
