امیدواری برای بهبود کیفیت و خدمات مخابراتی و انترنتید مخابراتي او انټرنټي خدماتو د کيفيت او خدماتو ښه کېدو لپاره هیله مندي

Alireza Khaliqyar
یکشنبه ۱۳۹۸/۳/۱۲ - ۱۴:۲

http://mcit.gov.af/ps/%D8%A7%D9%85%DB%8C%D8%AF%D9%88%D8%A7%D8%B1%DB%8C-%D8%A8%D8%B1%D8%A7%DB%8C-%D8%A8%D9%87%D8%A8%D9%88%D8%AF-%DA%A9%DB%8C%D9%81%DB%8C%D8%AA-%D9%88-%D8%AE%D8%AF%D9%85%D8%A7%D8%AA-%D9%85%D8%AE%D8%A7%D8%A8%D8%B1%D8%A7%D8%AA%DB%8C-%D9%88-%D8%A7%D9%86%D8%AA%D8%B1%D9%86%D8%AA%DB%8C%D8%AF-%D9%85%D8%AE%D8%A7%D8%A8%D8%B1%D8%A7%D8%AA%D9%8A-%D8%A7%D9%88-%D8%A7%D9%86%D9%BC%D8%B1%D9%86%D9%BC%D9%8A-%D8%AE%D8%AF%D9%85%D8%A7%D8%AA%D9%88-%D8%AF-%DA%A9%D9%8A%D9%81%D9%8A%D8%AA-%D8%A7%D9%88-%D8%AE%D8%AF%D9%85%D8%A7%D8%AA%D9%88

د مخابراتو او معلوماتي ټکنالوجۍ وزارت سرپرست محترم محمد فهيم هاشمي نن د افغان ټېلې کام مخابراتي شرکت د فعالیتونو او کارونو څخه لیدنه وکړه او ددغه شرکت د لاسته راوړنو او فعالیتونو راپور يې واورېد.

د مخابراتو او معلوماتي ټکنالوجۍ وزارت سرپرست د افغان ټېلې کام مخابراتي شرکت د راپور اورېدلو وروسته د شرکت د مدرن سازۍ، غوره او رڼو خدماتو وړاندې کولو او انټرنټي خدماتو د نرخونو کمېدو تر څنګ د غوره کېفيت په اړه اړوندو مسؤولينو ته لازمې لارښوونې وکړې.

ښاغلي محمد فهيم هاشمي همدا راز زیاته کړه چې تخنيکي کارکوونکي دې، پیرودونکو ته د قيمتونو د کمښت تنظیم او کيفيت ساتلو په اړه جدي کا روکړي او هر څومره ژر چې کېدلی شي، د تخفیف لپاره دې زمينه برابره کړي.

د مخابراتو او معلوماتي ټکنالوجۍ سرپرست وزیر همدا راز د سلام مخابراتي شرکت، نوري فایبر او افغان سټ د تخنيکي څانګو څخه د لیدنې تر څنګ، د سيمه ييز اتصال، د افغانستان له لارې د انټرنټ ډېټا د ټرانزيټ عوايدو زیاتېدو او افغانستان د انټرنټ د ټرانزيټ هب په توګه د جوړېدو په برخه کې اړوندو مسؤولين وته په ډاګه کړه چې وزارت په ډې برخه کې ژمن دی او هر څومره ژر چې ممکن وي، دا پروګرام به عملي شي.