د ملي تدارکاتو ادارې په نوښت د اړتیاوو موندنې په موخه روزنیز ورکشاپ جوړ شو

Alireza Khaliqyar
شنبه ۱۳۹۷/۱۰/۸ - ۱۱:۲۵

http://mcit.gov.af/ps/%D8%AF-%D9%85%D9%84%D9%8A-%D8%AA%D8%AF%D8%A7%D8%B1%DA%A9%D8%A7%D8%AA%D9%88-%D8%A7%D8%AF%D8%A7%D8%B1%DB%90-%D9%BE%D9%87-%D9%86%D9%88%DA%9A%D8%AA-%D8%AF-%D8%A7%DA%93%D8%AA%DB%8C%D8%A7%D9%88%D9%88-%D9%85%D9%88%D9%86%D8%AF%D9%86%DB%90-%D9%BE%D9%87-%D9%85%D9%88%D8%AE%D9%87-%D8%B1%D9%88%D8%B2%D9%86%DB%8C%D8%B2-%D9%88%D8%B1%DA%A9%D8%B4%D8%A7%D9%BE-%D8%AC%D9%88%DA%93-%D8%B4%D9%88

د مخابراتو او معلوماتي ټکنالوجۍ وزارت د کارکونکو لپاره د ملي تدارکاتو ادارې د روزونکو له لوري د اړتیاو د موندلو په موخه یو ورځنی ورکشاپ جوړ شو.

په دغه ورکشاپ کې د مخابراتو وزارت د بیلابیلو ریاستونو ۲۵ کارکوونکو ګډون کړی وو چې په ادارو کې د اړتیاو د تثبیت او همدارنګه د غوښتنو او اړتیاو په برخه کې زده کړه ورکړل شوه.

په یاد ورکشاپ په بیلابیلو موضاتو بحث او خبرې وشوې او ګډونوالو دې ته ځير شول چې د پوره دقت نه کار واخلي او هر هغه څه چې د اړتیاو د موندنې په برخه کې په کار راځي ګټه ترې واخلي.

د یادونې وړ ده چې په اداره کې د اړتیاو د تثبیت مراحل د اجناسو د پیریدلو مهمترینه مرحله ده چې په دې مرحله کې دقت ته زیاته اړتیا ده او په کار ده چې په بازار کې د امکانانو په نظر کې نیولو سره د اړتیاو د تثبیت بیلابیل عناصر لکه په بازارونو کې د جنس شتون، مشخصات او نور موضوعات په پام کې ونیول شي.

کله چې یوه اداره د اړتیاو د تثبیت په برخه کې پورته ټکي په پام کې ونه نیسي نو په حقيقت کې اقتصادي صدمه رامنځته کيږي؛ چې خوشبختانه د مخابراتو وزارت یو شمېر کارکوونکي له دغه مهارت څخه برخمن شو او غوښتنه يې دا وه چې په راتلوونکي کې هم دا ډول ورکشاپونه جوړ شي چې د کارکونکو ظرفیت ورسره لوړ شي او په کارونو کې چټکتیا او دقت رامنځته شي.